27.01.2023 - Міжнародны дзень памяці ахвяр Халакосту
.
Халакост (1933–1945 гг.) - гэта масавы генацыд габрэяў падчас Другой сусветнай вайны. Агульная колькасць ахвяр - каля 6 мільёнаў чалавек. Дзве трэці габрэйскага насельніцтва Еўропы. Знішчэнню падлягалі не толькі габрэі - а наогул усё, каго нацысты лічылі непаўнавартаснымі. Было забіта звыш мільёна цыган, колькасць псіхічных хворых і інвалідаў дакладна не палічана.
Самае масавае аднамомантнае забойства габрэяў адбылося на ўскраіне Кіева ў верасні 41-га года.
У гонар памяці ахвяр генацыду габрэйскага народа супрацоўнікамі УАЗ "10ГКБ" былі ўскладзены кветкі да Мемарыяльнага комплексу "Трасцянец".
Вечная памяць усім загінуўшым.
